Vawiin khan D.C Conference Hall, Mamitah Pi Lalbiaksangi District Bawrhsap hovin ni 8.4.2017 a International Fund for Agriculturural Development ( IFAD) Design Mission Team in Mamit District an tlawh tur chungchanga an mahni lo dawnsawn dan tur ngaihtuahin thutkhawm a ni.

Meeting-ah hian IFAD team ten Mamit District an rawn tlawh turah hian District chhunga eizawnna ngelnget zawk a awm theihna tura NLUP Line Department hrang hrang te harsatna, hmasawnna leh hmalakna tur te leh kuthnathawhna kawnga Mamit District dinhmun leh hmasawnna theihna tur la awm te lo hrilhriata pholan ni se tih a ni.

IFAD Design Mission Team te lo dawngsawnna tur hian Department hrang hrangte chanvo in pek niin anmahni lawmna pual hian Mamit D.C Bangla ah Cultural Programme buatsaih ni se tih a ni bawk.

Meeting-ah hian NLUP Line Department bakah Media officer te an tel a ni.