Ministry of New & Renewable Energy(MNRE), Govt of India chuan rampum chhungah Solar hmanga kawlphetha siamchhuah belh nan National Solar Mission hnuaia ruahmanna a siam ‘Grid Connected Solar Power Projects’ bawhzuiin vawiin khan Lunglei DC Pu Abhijit Vijay Chaudhuri hovin P&E hotute leh Heads of Offices zawng zawngte chu DC Conference Hall-ah an thukhawm.

DC Pu Abhijit Chaudhuri chuan MNRE-in rampum state hrang hrangten solar enegry an dehchhuah tur zat a bituk a, Mizoram chuan kum 2015-2016 chhungin 1 Megawatt leh kum 2016-2017 chhungin 6 Megawatt a chang dawn a, hemi atan hian sorkar office leh buildingte chu survey a, solar system bunna tur hmun an neih dan theuh report turin a ti a. April thla kar hmasa ber chhungin deoartment tin ten an building/hmun neih dan report thehlut vek turin a hrilh.

SE, P&E, Lunglei Pu H.Zoliana chuan India rampumah kawlphetha khamkhawp a awm loh avangin sorkar laipuiin solar energy hmanga kawlphetha dehchhuah belhna tur kawng a dap a nih thu a sawi a. He Project hi 2015 atanga tanin kum 2022 thleng beihpui thlak a nih tur thu a tarlang a, hemi chhung hian Mizoram atanga solar hmanga kawlphetha dehchhuah tura beisei zat chu 50 Megawatt a ni, a ti. State zingah chuan Mahrashtra chu solar energy dehchhuah tura beisei san ber an ni a, 4700 Megawatt bitk an tih a sawi bawk.