1st Assam Rifles, Lunglei huaihawta January ni 10-24 chhunga National Integration Tour-a zinchhuak zirlaite chu vawiin khan Mizoram Governor Lt Gen Nirbhay Sharma, PVSM, UYSM, AVSM, VSM, (Retd) chuan Raj Bhawan-ah leng tura sawmin, an zinna chanchin sawipuiin thingpui an inho.

Mizoram Larsap chuan Mizo thalai talent nei tha tak takte state pawnah zinchhuah a, ram leh hnamdangte nen intlawhpawhna hun tha an nei thei chu a lawmawm a tih thu a sawi a. 1st Assam Rifles hmalaknain hetianga ramchhung hmun hrang hrang fanpuina Integration Tour felfai tak neih theih avangin 1st AR hotute chungah pawh lawmthu a sawi.

Lunglei District chhunga Govt HS leh HSS hrang hrang atanga zirlai thlanchhuah 20 leh anmahni zuitu zirtirtu 2 te chu Captn DS Tanwar-in a ho a; Kolkata, Pune leh Mumbai khawpuai hmun pawimawhte tlawhpui an ni.

Attachment

  • Loading attachment...