Mizoram hmundang te rualin Siaha-ah pawh vawiin chawhma dar 11:00AM khan 7th National Voters day hman a ni. Thupui atan “Greater Participation for a stronger Democracy” leh sub-theme atan “Empowering young and future voters” tih hman a ni a. He hun hi Pi Marilyn Rualzakhumthangi, Election Officer leh SDO(S) ni bawk chuan a kaihruaia, Bawrhsap Pi Harleen Kaur IAS, DEO leh DC ni bawk chu khuallian a ni.

Khuallian Pi Harleen Kaur IAS, chuan thusawiin, National Voters day hi British awpna hnuai atanga kan zalen hnua, mahni ngeia danpui te insiama, ro kan inrel ve na tura kan danpuiin dikna chanvo min pek ni, January ni 26 a hmang tur kan ni laiin, Republic day kan hman tak avanga ni khata sawn hma a ni a. He ni hmang thei tura kan hruaitu hmasa, Pu Gandhi te, Pu Nehru te, Pu Ambedkar-a te leh midang tam tak impumpekna leh tawrhna te hriain, I hlut hle ang u, a ti. India khua leh tui dik tak tan chuan kan aiawha roreltu tur thlanna-a kan vote hlu tak hi dik takin kan hmang ngei ngei tur a ni, a hmang lo mi chu India ram tan fa chhuanawm lo tak a ni ngei ang, a ti bawk.

Vawiin voters Day hmanna-ah hian 39-Saiha A/C leh 40-Palak A/C atanga BLO titha be rte: Pu A.Thykhu, College vaih leh Pu Pamaw, Mawhre te hnenah tangkafai Rs.4000/- leh chawimawina thuziak hlan an ni. Siaha District-ah hian BLO 79 leh voters 37751 an awm mekin, mipa-18419 leh hmeichhia-19332 voters an ni. Vawiin programme-ah hian Southern English Medium School ten Skit show hmunawm tak an entir bawk.

Pu N.Chakhai, ERO leh Addl.DC ni bawk pawhin thusawina hun a hmanga, Pi Laldinfeli, AERO in vote nei thar te hnenah EPIC a semchhuak a, Pu Andy Lalfakzuala Varte, AERO in lawmthu sawina in vawiin programme hi a khar a ni.