Kumin March ni 10 a NLUP Nodal Minister Pu R.Lalzirliana hova lo rel tawh angin awmze nei zawka NLUP hmalakna kalpui chhunzawm turin 3rd & 4th phase ah  chuan beneficiary ten an duh ang ang trade thlang tawh lovin khaw pakhat tan trade thlan theih bik siam a ni tawh dawn a. Hemi chungchanga ruahmanna kalpui dan tur sawihovin vawiin khan Pu P.L.Thanga, Vice Chairman & CEO, NIB hovin NIB hotute, line department leh district hrang hrang DC aiawh te, Nodal officer zawng zawng te chu NIB conference hall-ah an thu khawm a. NLUP hlawhtlinna atan potential an neih dan azira khaw tinah“One village One crop” kalpui turin District tin D.C te chu line department te leh VC te nen ruahmanna siam turin hriattir an ni a. A hnuaia tarlan ang hian district tinah meeting neih a ni dawn a. Hetah hian mahni awmna district huam chhunga VC tin te chu aiawh mi 2 zel  intirh tur a ni.

District tina D.C te chu May ni 13 aia tlai lovah an ruahmanna siam te NIB a thehlut leh nghal tura hriattir an ni a. VC aiawh te hi an kalna senso TA/DA tumsak an ni ang.