Mipuiten awlsam taka tax an pek theihna turin ni 23.04.2014 (Nilaini) atang khan Taxation Department chuan internet kaltanga tax pek theihna e-payment facility chu Industrial Development Bank of India (IDBI) kaltlangin a pe chhuak leh ta.

Taxation Department chuan e-Governance lamah nasa taka hma la-in, mipuite tana awlsamna turin e-services tarn tak chu internet kaltlangin an pe chhuak tawh a, mipuite pawhin an tangkaipui hle a ni. E-payment facility pawh hi Kum 2012 atang khan State Bank of India (SBI) kaltlanga pekchhuah a ni tawh a, tun Sawrkar kum liamta 2013-14 chhunga VAT atanga Sawrkarin sum a hmuh 30% vel lai chu internet kaltlanga mipuite pek a ni.

Industrial Development Bank of India (IDBI) kaltlanga e-payment facility pek chhuah hian mipuite tan tax pek a tih awlsam mai bakah, tax pe tura Bank leh Treasury ah te intlar buai ngai tawh lovin awlsam takin mahni inlum atangin tax an pe thei tawh dawn a, mipuite tan a tangkai hle a rinawm.