Vawiin chawhnu khan Champhai DC Conference Hall, Keifangtlangah-ah Bawrhsap Pu Vanlalngaihsaka hovin Champhai District NLUP Fair-Cum-Exhibition Organising Committee an thukhawma .  He hunah hian District Level NLUP Fair – cum- Exibition 2018 neih dan tur chungchang ngaihtuah a ni.

District Bawrhsap Pu Vanlalngaihsaka chuan sawrkar in a ruahman angin NLUP hnathawh dan leh hmasawnna mipuite hnena hrilhhriatna leh entirna hun chu  Champhai hmunah neih ve ngei tura ruahmanna siam anih thu a sawi a. Line Department hrang hranga hotute chu tihtur an tuk leh ruatte chu tha taka hlenchhuak vek turin a chah a. Department-te chu inpuahchah tan nghal tura ngen in, Fair-cum Exhibition hlawhtling tak neih ngei a nih theih nana theihtawp chhuahpuiah Line Department leh Committee member te a sawm a ni.

District Level NLUP Fair-cum- Exibition neihna hmun atan hian Kahrawt Field chu ruahman chhin niin a hun a tan May ni 3-4 chu ruat a ni a. Hawnna hun programme te duan a ni a. Exibition hi May Ni 3 chawhma dar 11 a hawn a ni anga, chawhnu dar 4 thleng hawn thin a ni dawn a ni. Line Department hrang hrangte chanvo sem niin  inpuahchahna tura an mamawhte pawh thehlut tura hriattir an ni a. Line Department lam hotuten an thil phochhuah theih turte report an pe a. Fair-cum-Exhibition-ah hian Line Department ten an hnathawh dan leh an hmasawnna photo exhibition leh Video  show-te an neih dawn bakah an hnuaia kuthnathawktuten an tharchhuah chi hrang hrangte an phochhuak ang a, hengte hi a hmunah hian a lei theih dawn bawk a ni. Stall tithate hnenah lawmman pek nise tiin meeting chuan a rel bawk a. NLUP Exibition –cum- Fair hlawhtling tak buatsaih anih theihna atan mipuite he hun hi chhim theuh turin Organizing Committee chuan a sawm nghal bawk a ni.

NLUP Fair-Cum-Exhibition hlawhtling taka a hman a nih theih nan  inpuahchah dan thlir hona Review meeting  chu neih leh turin meeting chuan a rel bawk a ni. Vawiin vek khan District Bawrhsap  leh NLUP Line Department Officer ten a hmunhma siamfel dan tur leh hmanraw mamawh turte hriat nan Kahrawt Field hi an tlawh nghal a ni.