Vawiin khan Soil & Water Conservation Department Mamit hnuaia NLUP a rubber leh coffee thlangtu mi 41 te hnenah a thawhhnihna (2nd phase) atan tanpuina sum Rs. 5,000/- theuh in sem chhuah leh a ni a. Heng sum te hi a hmun vahna atana hman tur a ni.

Heng chhungkaw 41 thlang chhuahte hi Kanhmun ah chhungkaw 35, Luimawi ah chhungkaw 3, Dapchhuah ah chhungkaw 2 leh Tuahzawl ah chhungkaw 1 te niin rubber thlangtu chhungkaw 40 leh hmunphiah thlangtu chhungkaw 1 an ni. Sum sem chhuah hi a vaiin Rs. 2,05,000 a ni.

Soil & Water Conservation Department hian NLUP tanpuina 2nd phase hi 11 August, 2012 hian NLUP a rubber chingtu thlang chhuah chhungkaw 16, coffee chingtu thlanchhuah chhungkaw 23 leh hmunphiah chingtu thlangtu chhungkaw 8 te a vaiin chhungkaw 47 te hnenah Rs. 5,000/- theuhvin sem leh tum a ni bawk.

Heng chhungkaw thlangchhuah te hi Hriphaw ah chhungkaw 23, Chhuhvel ah chhungkaw 12 , Saikhawthlir ah chhungkaw 1, Hmunpui ah chhungkaw 6, West Serzawl ah chhungkaw 4 te an ni. Sum hi hemi ni hian Rs. 2,35,000 sem chhuah tura ruahman a ni bawk.