Vawiin khan Aizawl khawpui chhung NLUP Cluster 3, Aizawl East I, South II leh South III huam chhunga Carpentry I & II beneficiary te tan DIC Hall Ramhlun-ah NLUP tanpuina sem a ni a.

NLUP Apex Board Member Rev.Lalengkima, Rev.Satinvela leh Prominent Journalist Pu Robert Lalchhuana ten hun an hmanpui.

Apex Board member te chuan beneficiary te fuihna thu sawiin NLUP chu ram leh hnam din chhuahna tura kalphung fel tak neia duan leh enkawl a nih dan te, a hlawhtlinna tura sorkar leh line department ten thahnem ngai taka hma an lak mek dan te an tarlang a. NLUP hlawhtlinna turah a dawngtu ten mawhphurhna thui tak an neih dan te sawiin beneficiary te chu rinawm taka an trade thlanah tan la turin an chah a ni.

Sum fai leh khawla tanpuina pek chhuah zawng hi a vaiin Rs.48,43920/- a ni. Carpentry I thlangtu beneficiary 54 zinga 29 te chu thingzaina khawl pek an ni a. Khawl nei tawh 25 te erawh chu sum faiin Rs.64680/- theuh pek an ni a. Carpentry II thlangtu te dawn tur khawl a lo la thlen ve loh vangin khawl nei sa beneficiary 7 chauh hnenah sum faiin Rs.97600/- theuh pek ni