Vawiin khan Nehru Yuva Kendra chuan an hnuaia Kolasib District chhunga Youth Club in affiliate te tan Parish Hall, Kolasib-ah District Youth Convention cum Yuva Kriti programme an buatsaih a. He hun hi Kolasib DC Pu Jitender Yadav’n a hmanpui a ni.

Pu Jitender Yadav chuan tunlai khawvel inherchho zelah thalaite dinhmun chu hun kalta ngaihtuahin a pawimawh telh telh a, chuvangin Sawrkar pawhin thalaite hmakhua ngaihtuahin ruahmanna te duangin, an tan programme hrang hrang a buatsaih thin a. Thalaite tana tinzawn programme-te hi a zau thei ang ber a inhrilhhriat a hman tangkai a tul a ni, a ti.

He hunah hian zuk leh hmuam in hriselna a nghawng dan leh a that loh zia chungchangte inhrilhhriatna hun Dr. Vanlalhlimpuia, Medical Officer, District Hospital Kolasib in a hmang bawk a ni.

He hunah hian Kolasib District chhunga Youth Club 23 te tana NYK in infiamna hmanrua(football, volleyball pakhat ve leh a net pakhat theuh) sem a ruahman chu DC hian Club aiawh te a hlan nghal a ni.