Vawiin chawhma dar 9:30 Am khan MADC, CEM’s Conference Hall-ah Saiha D.E.C. ( District Education Committee ) chuan Meeting an nei a, he meeting hi Pu Joseph Lalhlimpuia, Parliamentary Secretary i/c School Education, Industries ect. chuan a telpui a ni.

He meeting Pu John L.T. Sanga, Addl.DC kaihruai-ah hian thu sawiin Pu Joseph Lalhlimpuia chuan tuna Sawrkar lai Policy-ah chuan Minister emaw Parliamentary Secretary emaw in DEC (District Education Committee) thutkhawm hi kum khatah vawikhat tal telpui ziah thei se tih hi ani a, tunah hian Aizawl District, Serchhip District leh Saiha District-ah te DEC meetingah atel tawh a, District dangah pawh DEC meetingah ala tel zel dawn thu meeting ah hian a sawilang. Pu Joseph-a chuan DEC meeting leh Review meeting neih zin te hi thil tul tak a ni a, Education puala Fund Sanction te hi, engzatnge ? akalna turah a kal em ? a dawngtuten an hmang dik em ? tih te hi meeting hian an monitor reng a ngai a ni, a ti bawk.

Parliamentary Secretary chuan “ Kumin-a RMSA leh SSA hnuaia Sum thlentlai chhan chu Fund Channalised-na kawng a dan tawh vang ani, a ti. Kumin atang chuan CSS hi State Plan Umbrella hnuaiah a awm tawh a, a hma-a karhnih khata thil tihfel theih kha thla hnih thumte a ngai tawh a ni, a ti bawk.

Pu Joseph-a chuan “Literacy Drive” Sawrkarin beih nasat a tum thu sawiin, nakkumah Pre- School 148 hawn a nih tur thu pawh sawilangin Literacy Drive a kan tan viau loh chuan India ramah ziak leh chhiar thiam tamna lama pahnihna ni thin khan pathumna hnuai-a tlathla duai thei dinhmunah kan ding a ni, a ti. School Building tha leh Zirtirtu tha neih ah hian kan duhtawk lo, a bul kan tanna chauh a kan ngai a ni, a ti bawk.

He meeting ah hian Pu S.T. Zaduna, DEO leh RMSA DPC nihbawk chuan Saiha District chhunga RMSA hnuaia hmalakna hrang hrang leh hmachhawp te tarlang in, harsatna an neihte pawh meeting ah hian a thlen a,Pu TT Kholaw SSA, DPC pawhin Saiha District chhunga SSA Scheme hnuaia hmalakna leh hmachhawp hrang hrangte tarlangin report a pe ani.

He DEC Meeting-ah hian MADC,CEM i/c la mek tu pu N.Zakhai, E.M. Education leh Official te bakah N.G.O. hrang hrang hruaitute, Saiha District M.J.A. te, Zirlaipawl hrang hrang hruaitute, Teachers Association hrang hrang hruaitute an tel kim hle a, Aizawl atangin Pu Zaithankima Miller, SSA DSPC leh Pu V.L. Malsawma RMSA, DSPC ten Parliamentary Secretary hi an lo tawiawm ani.