Vawin chawhma dar 10:30 khan Southern Flower School Golden Jubilee lawmna school hmun ah hman ani. Pu S.Laldingliana HPC Vice Chairman chu khuallian nin Upa Lalnilawma Colney, Executive Secretary & Education Director of Mizo Conference SDA chu khual zahawm ani.

Khuallian chuan thusawiin chhim lam a English medium hmasa ber in Golden Jubilee a lo thleng thei hi lawmawm a ti a. Human Resources Development Deptt. in a tum ber chu zirlai te zirna tha leh rin tlak puak chhuah a,in tungding thei tur a kalkawng siamsak hi a ni. chuvangin zirtirtute hi kan pawimawh hle a, kan file chu zirlaite an ni a, zirna ah chhimlam hi tan lak thar a ngai hle a Central Service te, Mizoram Civil Service te Mizoram Police Service ah te kan lang tlem hle a hemi sutkian theih na Pathian rawngbawl na ah ngai in Competative Exam hmachhawn ngam turin zirna pe turin zirtirtu ten mawhphurhna an nei ani a ti. Zirlai te pawh khawtlang a in hmang tam lo a, zirna number 1 a dah tur in a duh a, nu leh pa te pawhin naupang te pawh inchhung ah chhawr tam lo in zirna hun siamsak tam se a duh thu a sawi bawk ani. Pu S. Laldingliana hian SFS Magazine Cartifolia tih a tlangzarh a School tanpuinan Rs. 10,000 (Cheng sing khat) a pe bawk.

Khual zahawm Upa Lalnilawma pawhin thusawiin SDA kohhran hi lian lo mahse zirna an ngaisang a, naupang te rilru leh thlarau a an than theih nan hma an la thin ani a ti. Sorkar nen thawh hona tha tak an neih a vangin Sorkar chung ah pawh lawmthu a sawi a ni.

Pi Lalthangmawii Head Mistress SFS in inkhawm kaihruai in report a pe a, Southern Flower School hi chhim lam a school hmasaber ani tiin Pu HB.Lalkhawliana'n 1964 ah zirlai 32 awmmin a din ani a ti a, kum 2007 ah High School hawn a tih len nileh in he school atang hian Sorkar, Kohhran leh Khawtlang tan a mitangkai tak tak an lo chhuah tawh thu a sawi a ni.