Nimin khan Lawngtlai a SSA Block Resource Centre ah Nehru Yuva Kendra Sangathan buatsaih District Youth Convention and Yuvakriti neih a ni a, Lawngtlai District Additional DC Pu R.L Sangluaia chuan a hmanpui.

Thu sawiin Additional DC chuan NYKS chu hman thiam a nih chuan thalaite tan hma khaw sialtu pawimawh leh din chhuah pui tham a nih thu a sawi a, amaherawh chu Mizoramah a nih tur angin kan la hmang tangkai tawklo deuh a a hriat thu a tarlang. Tunlai hunah thalaite inpekna a san poh leh ram in hma a sawn nasa thin a, thalaite hi kawng engkima rinrawl ber an ni mek a ni tiin hman tlaka inchherchhuak turin NYKS hnuaia ruahmannate haichhuah thiam tula a hriat thu a sawi bawk.

He hunah hian S.R Bishnoi, Zonal Director, NYKS, Mizoram Zone pawhin thusawiin mizo mipuite chu hawihhawm, midangte ngaichang thiam mi nia a hriat thu sawiin hetiang ramah hian thalaite tan hmakhaw eng tak a awm reng a ni a ti.

Youth Convention ah hian NYKS hmalakna chi hrang hrangte inhrilhhriatna neih a ni a, khuallian leh Zonal Director ten NYKS hnuai a Club te hnen ah a thlawnin Football an sem bawk.

NYKS hi kum 1972 khan thingtlang leh hmun kilkhawr zawka thalaiten ram dinchhuahna tura tha an thawh theih nan leh anmahni a thiamna leh finna inphum rute haichhuahnana a din a ni a, kum 1987-88 khan Ministry of Youth Affairs and Sport hnuaiah Autonomous body organization anga siam tha lehin an ni chian an theih ang angin India rama thingtlanga cheng thalaite chu an hui khawma, thalai kum 13-35 inkar a duh a paing tan zawm theih an nia an thupui chu Inpekna, Mahni intanpuina leh Khawtlang tana mi tangkai nihte a ni.