Nimin khan Pu Joseph Lalhimpuia, HPC Vice Chairman Lunglei chuan RMSA Secondary School Building thar Rs. nuai 55 seng a sak Ralvawng ah a hawng.

Pu Joseph Lalhimpuia chuan thu sawiin Ralvawng khua in High School nei thei tura hma laksaktu Chief Minister leh Education Minister te chung ah Ralvawng khawtlang aiawhin lawmthu a sawi a, he School a zirtirtute hi Lunglei district tana lak an department a a tha ber ber te an ni a, chumi chhawr tangkai thei turin khawtlang tanrual a ngai a ni a ti.

Lunglei District HPC Vice Chairman chuan Ralvawng leilung hi thlaiin a ngeih hle a, thla 10 chhung khan Rs. Nuai 16 man vel thlai an hralh hman a, Ralvawng khua eizawnna ti ngelnghet tur a sawrkarin hma a lak mek ah a ti hlawhtling tu ni tur a, tan la turin a ngen a.

Pu Joseph Lalhimpuia chuan Ralvawng Community Hall sak nan HPC Fund atanga hma lak tum a ni a, Hlumte kawng pawh January thla a laihzawh hman tum a ni a ti bawk. RMSA High School Rotlang ‘E’ a sak tur pawh Sunction nghah mek ani ati bawk a, Zobawk High School ah Hostel sak tum anih thu te leh Lungpuizawl ah Sub-Centre dah tum anih thu te a sawi bawk.

He School sak hna hi ni 29 September, 2010 atanga sak tan niin he school ah hian Class Room 4 Science Lab. 1, Computer Room 1, Art & Crafts room 1 leh Library 1, Teachers Common Room 1, Head Master room, Clark room leh mipa leh hmeichhe inthliarna tha tak dah a ni. He School ah hian zirtirtu 7 leh Lab. Asst. 1 an awm a ni.

Pu ST Zaduna, DPC, DEO Lunglei in inkhawm a kaihruai a, Pu Rohmingliana, MUP Ralvawng chuan Pathian hnena hlanna hun a hmang a. Pu Chawngthantluanga, Dy. SPD RMSA Mizoram leh Pu Malsawma, VCP ten thu sawina an nei bawk. Technical report Er.Lalmuankima, Co-Ordinator(Civil Works) hnen atangin ngaih thlak a ni a.