Vawiin khan Champhai DC Conference Hall-ah Pu R. Zarzosanga, Addl. DC hovin meeting neih a ni.

He meeting ah hian Pu R. Lalzirliana, Home Minister hova meeting in a lo rel tawh bawhzuiin krismas leh kumthar vuakveta halpuah lam chi tel lova intihhlimna hun thalaite puala district tina ni 31.12.2011 zan hian hun hman nise tih chu ngaihtuahho a ni a. Champhai ah chuan he Musical concert leh Fire Awareness campaign hi Awmpui phei, Vengthlang ah ni 30.12.2011 zan hian remchang zawk a hriat a nih avangin hman tura rel a ni.

He hunah hian mipuite hnena kangmei laka fimkhur tura thuchah leh inzirtirna hun hman a ni ang a, zaithiam, mimal leh group ten hun an hmang dawn a. Mipui leh a bikin thalai lamte a tam thei ang ber kal tura hriattir leh sawm an ni.