Vawiin khan Secretariat Conference Hall-ah Health & Family Welfare Department bultumin State Level Orientation and Workshop of State Action Plan on Climate Change and Human Health (SAPCCHH) neih a ni a. Sik leh sa inthlak danglam nasa lutukin mihring hriselna kawng hrang hranga a nghawng dan te, natna inkaichhawn theih leh inkaichhawn theihloh te, chhiatrupna thlen theih dan te, heng vanga mihringa natna leh thihna lo thleng thin chungchang te sawiho a ni. Health Services Director Dr. H. Lalchungnunga chuan programme hi a kaihruai a. He sawihona hunah hian Science & Technology, EF&CC, DM&AR, Agriculture Department leh Mizoram State Pollution Control Board an tel a ni.