Vawiin khan Pachhunga University College chuan College Multipurpose Hall-ah an zirlai chhuak tur mi 655 tan thlahna zanriah ‘Grad Dinner, 2018’ an buatsaih a. Programme hi Grad Dinner 2018 chairman Sociology HOD, Pu Lallungmuana chuan a kaihruai a. Zirtirtu aiawhin college Vice Principal Dr. Lalbiaksangi Chawngthu chuan thlahna thu a sawi bawk a ni.

Pachhunga University College atang hian zirlai chhuak tur Arts-368, Science-262 leh Commerce-54 an awm a. Tun dinhmunah hian department 21 awmin zirlai 2400 vel, zirtirtu 120 leh non-teaching staff 100 an awm mek. Kumin July thlaa tan tur department thar-Bachelor of Business Administration (BBA) zirna hawn a ni dawn a, department pathum-Mizo Language and Literature, Philosophy leh Life Science-ah Post Graduate Studies (MA,Msc) zir theihna hawn a ni dawn bawk a ni. Course hrang hrang kalpui an nei a, chung zinga thenkhat chu - Mizo Cultural Studies, Civil Service Coaching, Human Rights, Mushroom Cultivation an ni. Under Graduate atan online admission hawn mek a ni.