H&TE Commissioner Pu Benjamina, IDAS leh Mizoram University Students’ Council (MZUSC) leh Aizawl City College Joint Students’ Union (ACCJSU) aiawh te chuan vawiin chawhma khan Governor chu Raj Bhavan-ah an hmu a. MZU-a Vice Chancellor nghet awm loh avanga thil awm dan te an sawipui.

Governor Lt. Gen. Nirbhay Sharma PVSM, UYSM, AVSM, VSM (Retd.) chuan zirlaite harsatna chu a hriatthiampui thu sawiin, sawrkar laipuiah vawi engemaw zat a lo thlen tawh thu a sawi a. Sawrkar laipui pawhin a ngai pawimawh in, chingfel tura hma a lak mek thu a sawi a ni. Hemi hma hian an zirlaite chu thlahthlam lo turin a chah a. Vice Chancellor nghet an neih loh avanga a bik taka harsatna an tawh te chu amah hriattir turin a chah a ni. Acting Vice Chancellor-in hna mumal zawka a thawh theih nan tawiawm tha turin a chah a. University an kal chhan te hre reng a, an zirlai tithuanawp zawnga awm lo turin a ngen a ni. Vice Chancellor nghet pawh a neih thuai a beisei thu a sawi bawk.

Zirlai aiawh te hian memorandum Governor hnenah an thehlut nghal a ni.

Attachment

  • Loading attachment...