Dapchhuah leh Mamit inkar kawng chu tunlai hian nasa takin a chhiat belh a, mipuite tan harsatna tam tak a siam bakah he kawng zawh thin motor tan pawh a him lo hle a ni.
Chuvangin Pi Lalbiaksangi MCS District Magistrate, Mamit District chuan Sec.144 Cr.PC, 1973 in thuneihna a pek angin mipuite kan lo him zawk nan leh harsatna kan tawh belh loh nan a hnuaia mi ang hian Ni 4 September, 2017 khan thupek a chhuah a ni.
Dapchhuah leh Mamit inkar kawngah Motor lian (Heavy Motor Vehicle) nitin mamawh (essential commodities) phurte bakah Gayatri Company in a kawng siamtha tura bungrua phurte chauh lo chu September thla chhungin tlan khap tlat a ni.
Thupek hian thu leh awm hma chu puan anih atanga thlakhat (1) chhung a huam ang.
He thupek zawmlote chu Sec.188 of IPC hmanga hrem an ni ang.
