Vawiin chawhnu dar 12:30 khan DC’s Conference Hall-ah District Level Standing Committee Member ten Special Summary Revision of Photo Electoral Roll,2017 chungchangah meeting neih a ni a, meeting hi District Bawrhsap Pi Harleen Kaur IAS in a kaihruai a ni. 

Nakum MLA inthlanna-a  tana E/Roll buatsaih meka qualifying date chu 1/1/2018 a ni a,  chumi awmzia chu  1.1.2018-a kum 18  tling tawh te chuan vote an neih theih dawn tih na a ni.  Photo E/Roll Revision  kalpui dan tur chu: 

1) Ni 15/9/2017-ah Draft Roll tlangzarh a ni ang.

2) Ni.15/9/2017-13/10/2017 chhung hian Claims & Objects te thehluh theih a ni ang

3) Ni 16/9/2017-30/10/2017 chhung hian Photo E/Roll tlangzarh tawh chu mipui te hnenah  GramSabha, RWA  meeting etc te kaltlanga hrilhriat a ni ang.

4) Ni 23/9/2017-7/10/2017 chhung hian  Booth Level Agent te leh Political Party ten Claims & Objects chungchangah Special Campaign an nei ang.

5) Ni 10/11/2017 hian EROnet kaltlangin Claims & Objects te chinfel a ni ang.

6)  Ni 20/12/2017 Data Base Update te, Photo Merging te..etc  te leh  Photo E/Roll  print te tih tur a ni ang.

7)  Ni 15/1/2018 Final Photo E/Roll tlangzarh a ni ang.

ECI chuan Claims & Objects te online a tih theih turin EROnet a tlangzarh tawh a, he website www.nvsp.in  kaltlang hian  tih theih vek tawh a ni. 

Representation of People Act, 1951 hnuaia section 28A in a tarlan angin, Sawrkar hnathawk  a bik takin  zirtirtu BLO a ruat ten Inthlanna kaihnawih thila mawhphurhna (duty)  an neih reng rengin, an sawrkar hnathawhna a  duty  anga pawmsak  an ni. 

Mizoram   State khua leh tui,  Sipai tanga Mizoram State pawnlama awm te chu Service Voters anga pawm an ni ang a. De Novo (from the beginning)  registration -a an qualifying date chu 1/1/2018 a ni  ang a, an  Final E/Roll hi ni 18/10/2017 a tlangzarh a ni ve  thung ang.