1820/2023-2024

Dated Siaha 11th September 2023: Vawiin chawhma dar 11 khan 1- Thiahra Village Council Constituency By-Election atan a hman tur Draft Electoral Rolls tahrik ni 1, July 2023 tehfung a hmang a buatsaih chu DC Mini Conference Room-ah tlangzarh a ni a, Pi Lalnunmawii, Asst.Distrtict Election Officer chuan he Draft Electoral Roll hi a tlangzarh.

Pi Lalnunmawii chuan Democracy ramah chuan mipuiten an aiawh an thlan thin chu thil pawimawh tak a ni, a ti a. Inthlanna felfai leh thianghlim zawk a awm theih nan political party, NGO leh mipuite thawhpuiah a sawm a ni. Draft Electoral Rolls tlangzarh theih a ni chu lawmawm a tih thu sawiin, hun leh tha tam tak seng a roll buatsaihtute fakawm a tih thu a tarlangin hmalam hunah pawh theihtawp chhuah turin a chah nghal bawk.

Electoral Roll- a hming thun thar/belh emaw hming paih emaw, a chhunga hming emaw kum emaw leh a dang dik lo tih dik duhte tan, form3, 4 leh 5 hmangin tahrik ni 12/09/2023 atang a ni 15/09/2023 chhungin dilna thehluh theih a ni a, dilna hi 1- Thiahra VC Constituency-a Village Level Officer (VLO) hnenah office hun chhungin a chunga huntiam ni tarlan ral hma ngeiin thehluh tur a ni.

Vawiina tlangzarh tak Draft Electoral Rolls atanga a lan danin 1- Thiahra VC Constituency-ah hian vote nei mipa- 157 leh hmeichhia-158 awmin, vote nei zawng zawng hi mi- 315 an awm mek a ni.

Vawiin Draft E/Roll tlangzarh tak hi Political party aiawh lo kalkhawmte hnenah Copy khat theuh Pi Lalnunmawii, Asst.District Election Officer chuan a hlan nghal.