1819/2023-2024

Aizawl, 11.09.2023: FCS&CA, LAD & Fisheries changtu Minister K. Lalrinliana chuan tukin khan Bawngkawn Brigade Fiels Tlaklam a kawng siam thar chu a hawng. He kawng hi veng mipui sum thawhkhawm hmanga siam a ni.

Minister chuan thu sawiin, khawtlang mipui thawhkhawm a kawng tangkai tak tur siam a ni chu lawmawm a tih thu leh, Mizo ten kan chhawm nun reng atan tha a tih thu a sawi a. Kan tanrual chuan thil ropui kan ti thei a ni tih tilang tu a ni, tiin Minister chuan rilru thianghlim tak nen, sorkar rinchhan ngawt lova hma lak a ni chu fakawm a ti a. A hlawhtlin theihna tura mimal inphal tak tak te chungah lawmthu a sawi bawk. Minister chuan kawng siam tak zawm lehna tur bialtu MLA atang sum ruahmanna awm leh hmabak dang la awm pawh a hlawhtlin thuai a beisei thu a sawi bawk a. PWD engineer te ho nen lo enfiah tawhin, blacktop na tur leh siam chhunzawmna tur pawh ruahman a nih thu a sawi.

Vawiin Bawngkawn Brigade Tlaklam kawng hawn hi metre 180 a thui niin, metre 3 a zau a ni a. Mi 35 atanga sum hmuh hmanga siam niin, sum tlingkhawm chu Rs. 3,06,000 a ni a, a siam hna hi August ni 15, 2023 khan tan a ni a. Bawngkawn Brigade Welfare Committee te'n hnathawh hi an en chhunzawm a ni.