2616/2022-2023
Lunglei the 11th November' 2022 : Vawiin khan DC Conference Hall, Lungleiah 11th Agriculture Cencus Training For Enumerators Under Lunglei District neih a ni a. Pu Donny Lalruatsanga, Addl.Deputy Commissioner, Lunglei chuan khuallian niin a hawng.

He hun hi Pu TC. Zonunsanga, District Research Officer, Lunglei chuan kaihruaiin Pu Donny Lalruatsanga chuan India ram pumah 11th Agriculture Census for Enumerators tan neih a ni a, Lunglei District ah pawh inzirtirna hun hman a ni hi lawmawm a ti a. Lunglei District tan a thawktu tur te in nih dawn avangin in mawhphrurhna a sang a data dik leh felfai neih a ngaih dawn avangin inthladah palh a hlauh thu a sawi a. Agriculture Cencus dik kan neih theih nan taima tak a thawk turin a duh a, Lunglei District tan chauh nilo Mizoram pumpui tan a pawimawh tih hre theuh turin a chah bawk a ni.

He cencus ah hian huan, lo ram neih enkawl emaw enkawl lo emaw, Agriculture kaihhnawih zawrhna te, Agriculture kaihhawih bungrua/ khawl hawh theihna dawr te, thlai dah thatna leh thlai zawrhna Bazar te thun luh tur a ni.

Vawiin a 11th Agriculture Cencus Training ah hian Lunglei District atang in Enumerator 47 te hnenah training pek an ni a, an ni hian khaw 130 an tuam chhuak dawn a ni. Training hi Pu C.Lalhmangaiha, IS leh Pu H.Lalramchhana, FAS, DRO Office, Lunglei ten an pe a ni.