706/2022-2023
Siaha; the 31st May,2022: Vawiin chawhma dar 9:45AM atang khan India ram hmun dang te rualin Prime Minister Pu Narendra Modi in Azadi Ka Amrit Mahotsav lawmna kal zel pual leh India ram chhunga lonei mi leh kuthnathawktu te chawikanna leh chhawmdawlna tura duan PM-KISAN Schemes atan instalment a sum pek thin, installment vawi 11-na tur cheng vaibelchhia Rs.21,000 chu chhungkaw vaibelchhe 10 tan Himalchal Pradesh khawpui, Shimla-a Garib Kalyan Sammelan programme hmanna-ah a pe chhuak.

He hun pual hian Central, State leh District-ah te hun hman a ni.Zinglam 9:45Am-10:50Am inkarah khan district pual programme hi NIC Video Conferencing Hall-ah hman a ni a. He hun kaihruaitu Pi Rochuangkimi khenglawt SDO(S) chuan kalkhawm te hnenah lawmthu sawiin, vawiin peogramme hman chhan te a sawifiah bawk. Bawrhsap Pu Lalsangliana'n programme khuhawnna thu a sawi zawhah, Pu Abraham Beirazi Khithie PD,DRDA atangin PM Awaas Yojana (Grameen &Urban) hnuaia hmalak tawhna leh hmachhawp te report ngaihthlak a ni a. CDPO atangin POSHAN Abhiyan Scheme hnuaia hmalakna report ngaihthlak a ni bawk. DCSO atangin One Nation one Ration Card & PM Garib Kalyan Anna Yojana scheme hnuaia hmalak tawhna leh hmachhawp te ngaihthlak a ni ve leh bawk. Sorkar laipui in chhungkaw harsazual te leh kuthnathawktu te chawikanna tur leh tihhmasawnna tura Scheme hrang hrang a duan 16 atanga Beneficiaries kalkhawm te, sawmbik te leh concern Head of office ten inkawmhona hun tangkai tak an hmang. Dar 11:00Am a Video conferencing hmanga beneficiaries te leh Prime Minister Pu Narendra Modi ten inkawmhona hun hman tum erawh, internet signal that loh avangin, tih puitlin thei a ni ta lo a ni.

Pu Lalsangliana District Bawrhsap chuan programme tlipna thu sawiin, vawiinah kan kal chhan ber Prime Minister leh kan beneficiaries ten Video conferencing hmanga inkawmhona neih tum chu Internet Signal that loh avangin sukuk mahse, Siaha district hnuaia Central scheme hrang hranga beneficiaries te leh a concern official ten inkawmhona hun hlimawm tak leh tangkai tak kan hman thei tho avangin a hlawk thlak hle a ni, a ti.