Vawiin khan DC Conference Hall Mamitah Pu Jacob Lalawmpuia Mamit Addl. DC hovin 12th Civil Services Day 2018 hman a ni a, Mamit khawpui chhunga Head of Offices an tel tha hle a ni.

Pu Jacob Lalawmpuia chuan he ni hmang tura Officer lo kalte chu an hun chep tak karah short notice information chauh pek an ni chunga an lo kal thei chu lawmawm a ti a. Civil Services Day duhsakna a hlan nghal bawk. Civil Services Day hi kum 2006 atanga hman tan niin sorkar hnathawk zawng zawng a bik takin officer sorkar department hnuaia mawhphurna pawimawh tak tak chelhtute chu an office-ah leh hnathawhna  hmuna rinawmna leh taihmakna bakah an hnathawha best practices hmanga an mawhphurna hlen chhuak thin tur leh Regulator mai ni lovin enabling entity ni turin officer kalkhawmte a chah a ni.

Vawiin Civil Services Day-ah hian head of offices atangin an Office chhunga Best Practices leh an hnathawh tlangpui tarlanna hun hman a ni a. An mawhphurhna hlenchhuahna kawngah leh Office dawrtu mipuite lo dawnsawn kawngah hei aia tha lehzuala hmalak an tum a. Mipuite tana tha taka hna thawh hi Sorkar hnathawkte mawhphurhna a nih angin Officer kalkhawmte infuihtharna hun hman nghal a ni a. Civil Services Day, 2018 puala India Prime Minister thuchah ngaihthlakna neih nghal a ni bawk.