Vawiin khan District Research Office Conference Hall, Mamitah 12th Statistics Day chu hman a ni, Dr  Zothankhuma Chhakchhuak Chief Medical Officer chuan khuallian niin a hmanpui.

He hun hmanpuitu Dr Zothankhuma chuan kan nitin nun kan khawsakna zing kan thawh atang hian Statistics tel lovin khawsak theih a ni lova, a bul tanna leh a tawp kharnan statistics hi a pawimawh a ni a ti, chutihrual erawh chuan Statistics dik leh rintlak erawh a pawimawh hle a,  Sawrkar laipui leh State Sawrkar atanga development kan hmuh reng rengte hi Statistics hmanga teh vek kan nih avangin a dik lo kan hman hian kan chanvo tur kan chan loh phah a awm thei a ni a ti.

Zirlai naupangte chu hriatna dik an hriat chu an tan a pawimawh thu sawiin chumi nei tur chuan an thulakna ah fimkhur a pawimawh a. Ram hmasawnna leh thil dang dangah pawh statistics hmang veka teh kan ni a, tun dinhmunah pawh Mamit District chu tehna hrang hranga chawikan ngai kan nih avangin India rama District hnufual zingah telh kan ni a ti bawk.

Pu M.S Dawngliana Hnamte Associate. Professor,  Economics Department, Govt Mamit College,  chuan keynote Address pe-in 12 Statistics Day chu Prof PC Mahalanobis piancham denchhenin ni 29th June 2017 atang khan kumtin thupui hrang hrang neia hman thin a ni a. Kumin thupui atan hian Quality Assurance in Official Statistics tih chu hman a ni.

12th Statistics Day hmanna hun hi Pu Malsawma MPE&SS, District Research Officer, Mamit chuan a kaihruaia, Kumin BA Result chhuaka Education Topper R. Lalruatfeli lawmpuina hlan a ni bawk.

He hunah hian Mamit khawpui chhunga Sawrkar Department hrang hrang aiawh, School naupang leh  sawmbikte  an tel a ni.