13th Finance Commission Chairman leh member pahnih bakah Member Secretary leh official pawimawhte chuan vawiin chawhnu dar 2:30 khan Lengpui Airport an rawn thleng.
Mizoram sawrkar aiawhin Home Minister Pu R.Lalzirliana, Agriculture Minister Pu H.Liansailova, Law etc. Minister Pu Lalsawta, I & PR etc. Minister Pu Zodintluanga, Parliamentary Secretary to Chief Minister Pu Lal Thanzara, DG Pu Lalrokhuma Pachuau, GAD Secretary Pu Vanengmawia, Finance Secretary Pu Lalthansanga, Aizawl D.C. Pu C.Thanchhuma leh SP Aizawl Pu Lalbiakthanga Pachuau, SP Security Pu Huliana leh Official pawimawh dangten an lo hmuak a ni.
Lawmna pangpar te pek an nih hnuah Salvation Army Central Choir ten lawmna hla mawi tak an sak hnu in Pu Vanhela Pachuau, Chief Secretary kaihhruaiin lawmna inkhawm tawi neih a ni.
Lawmna inkhawm ah hian Mizoram sawrkar aiawhin Pu R.Lalzirliana, Home Minister chuan thu sawiin 13th Finance Commission te chu an tul leh pawimawh em em laia Mizoram harsatna te rawn en tura an lo kal thei chu lawmawm tiin, “Kan lo lawm che u a, Mizoramin harsatna kan neihte min hmuhpui a, hmasawnna atan hmachhawp kan neih ang angte hrethiam taka min tih hlawhtlin sak ngei turin, he hun pawimawh tak hi in hman kan duhsak che u in kan ngen che u a ni,” a ti.
Finance Commission Chairman Dr. Vijay L.Kelkar chuan, “Mizoram chu a rethei lova, a mual leh tlangte kan han hmuh ringawt pawh hian a mawiin hipna nasa tak nei, leilung mawi leh hausa a ni tih kan hmu a, a tul ang ang hmasawn nan thawh kan tum dawn a ni,” a ti.
Finance Commission ah hian Chairman Dr. Vijay L.Kelkar member Pu V.K.Chaturvedi leh Prof. Atul Sarma bakah Member Secretary Pu Sumit Bose leh a nupui Pi Sanghamitra Bose te leh official pawimawhte an rawn tel a, zanin ah Mizoram Larsap chuan zanriah a siam sak ang a, naktuk zanah Chief Minister in a siam sak dawn bawk a ni.
Lawmna pangpar te pek an nih hnuah Salvation Army Central Choir ten lawmna hla mawi tak an sak hnu in Pu Vanhela Pachuau, Chief Secretary kaihhruaiin lawmna inkhawm tawi neih a ni.
Lawmna inkhawm ah hian Mizoram sawrkar aiawhin Pu R.Lalzirliana, Home Minister chuan thu sawiin 13th Finance Commission te chu an tul leh pawimawh em em laia Mizoram harsatna te rawn en tura an lo kal thei chu lawmawm tiin, “Kan lo lawm che u a, Mizoramin harsatna kan neihte min hmuhpui a, hmasawnna atan hmachhawp kan neih ang angte hrethiam taka min tih hlawhtlin sak ngei turin, he hun pawimawh tak hi in hman kan duhsak che u in kan ngen che u a ni,” a ti.
Finance Commission Chairman Dr. Vijay L.Kelkar chuan, “Mizoram chu a rethei lova, a mual leh tlangte kan han hmuh ringawt pawh hian a mawiin hipna nasa tak nei, leilung mawi leh hausa a ni tih kan hmu a, a tul ang ang hmasawn nan thawh kan tum dawn a ni,” a ti.
Finance Commission ah hian Chairman Dr. Vijay L.Kelkar member Pu V.K.Chaturvedi leh Prof. Atul Sarma bakah Member Secretary Pu Sumit Bose leh a nupui Pi Sanghamitra Bose te leh official pawimawhte an rawn tel a, zanin ah Mizoram Larsap chuan zanriah a siam sak ang a, naktuk zanah Chief Minister in a siam sak dawn bawk a ni.
Attachment
- Loading attachment...
