Law Commission Chairman leh Parliamentary Secretary Pu Chawngtinthanga, MLA chuan vawiin khan I & PR Auditorium-ah Pu R. Vanlaltluanga lehkhabu Mizo Legal Dictionary tih a tlangzarh.

He tlangzarhna inkhawm hi Pu Vanneihtluangan a kaihruai a. Hunserh Pastor Biakvulmawian a hmang a; lehkhabu thlirletna Pu B. Lalthangliana, Sr. Lecturer, Hrangbana College leh Pu C. Lalramzauva. Advocate an nei a. Khuallian Pu Chawngtinthanga chuan hetiang lehkhabu rotling Dan lam zirna atana zirlaite leh mi zawng zawng tana tangkai tur Pu Vanlaltluangan a hun chep tak kara a buatsaih thei hi Mizo mipui tan malsawmna a ni a ti a. Dan lam kaihhnawiha hetiang lehkhabu chhuak hmasa ber hi a hlu a, hetiang bawk hian Engineer leh Medical lamah pawh hian lehkhabu tangkai buatsaih leh theih nisela a duh thu sawiin tun ami hi chona ah ngai ila, a ti.

He lehkhabu tlangzarhna inkhawmah hian ziakmite leh mipawimawh tak takte an kal tha hle a ni.