Vawiin khan Chief Minister Office Cabinet Room-ah Chief Minister Pu Lal Thanhawla hovin Urban Development & Poverty Alleviation Department hnuaia enkawl, State Level Steering Committee on JNNURM meeting neih a ni

He meeting hi ah hian JNNURM hnuaia hmalakna hrang hrang thlirletna neih a ni tlangpui a. Thurel tur an chhawpchhuah zingah power point hmanga Urban Infrastructure Development Programme kalpui dante thlir hona neih a ni a, Mizorama JNNURM hnuaia Urban Infrastructure Governance (UIG) , Basic Services to the Urban Poor(BSUP), Urban Infrastructure Development for Small & Medium Towns (UIDSSMT) leh Integrates Housing Scheme & Development Project ( IHSDP) te hmalak dan thlirletna te, UIG atanga fund hmuh tur, Sorkar Laipuiin project pawimawh hmasa atih thlan dan tur te, JNNURM hnuaia reforms agenda thlirletna te, Project Management Unit (PMU) leh Project Implementation Unit te duan dan tur te leh DPR leh CDP Preparation charges reimbursement dan te sawiho a ni.

Steering Committee hi State tinah din vek a ni a. Chief Minister chu Chairman a ni a, Urban Development Minister chu Vice Chairman a ni bawk. Member turin mi engemaw zat ruat an ni bawk.