13th Kolasib District Secondary School Sports, 2016 chu vawiin khan Pu PC Zoramsangliana, bialtu MLA leh MIFCO Chairman ni bawk chuan a khar.

Kharna inkhawmah Pu PC Zoramsangliana chuan School naupang talent nei tha tak haichhuah nan te, inpumkhatna atan te, zirna atana hmasawnna atan te, taksa hrisel nan te leh mahni inthunun tha an neih theih nan District leh State Level School Sport buatsaih thin a nih thu sawiin, zirlai te mipuitling a an lo chawr chhuah a, midang te nena thawhho dan leh kaihruaitu tha an nih theih nana inchherna tha tak a nih thu a sawi a. Rilru hrisel nei tur chuan taksa hrisel a angaih thu sawiin, zirlai te chhelna leh taihmakna nei tur leh ruihtheihthil laka fihlim tlat turin a fuih a ni. Tun tum 13th Kolasib District Secondary School Sports a medal la te pawh duhtawk mai lova State leh National Level bakah International Level thleng a medal la phak tura tang sauh sauh turin a fuih bawk a ni.

13th Kolasib District Secondary School Sports, 2016 hi 12th September, 2016 khan tan niin, Kolasib District chhunga School hrang hrang 21 te an tel a, a pumpuiah St.John’s HSS chu medal 28 la in pakhatna an ni. Best Boy ah Lalremsanga, Bilkhawthlir HS chu thlan niin a ni hian gold 3 leh silver medal 1 a la a, Best Girl-ah Gold medal 4 leh Silver Medal 2 la tu Lalduhawmi, Bualpui Secondary School chu thlan a ni.