162 Bn BSF te chuan kumin an battalion din kum 27-na an hmang mek a, hemi puala lawmna inkhawm chu an hmunpui Zotlang, Lunglei-ah ni 25 October 2015 khan an hmang a. Ni 25.10.1989-a Dholchera, Assam-ah Commandant MS Tomar hnuaia din he battalion hian an hnathawhnaah huaisenna vanga chawimawina engemawzat an dawng tawh a. An Jubilee pualin Lunglei khawpui chhunga sikul hrang hrang leh YMA te nen thawk hovin zirlai leh thlaiate tan ‘Career Awareness Programme’ te an huaihawt a. Jubilee lawmna khar zanah intihlimna hun huaihawtin barakhana an buatsaih bawk a, he hunah hian Mizorama BSF hotulu ber DIG Pu UPS Pathania bakah Lunglei DC Pu Ashish Madhaorao More, 99 Bn BSF Commandant Pu SK Singh leh 162 Bn Commandant Pu Ajith Kumar. V te an tel.

Naktuk ni 10.11.2015 (Thawhlehni) khian 162 Bn BSF te chuan an hmunpui Zotlang, Lunglei-ah ‘Diwali Mela’ an buatsaih dawn a, hei hi zng dar 10:00 atanga chawhnu dar 3:00 thleng a duh apiang tan chhim theih turin an hawng dawn a. BSF hotute chuan an battalion Jubilee leh Diwali puala ‘Mela’ ah hian intihhlimna, infiamna chi hrang hrang bakah ei tur ‘food stalls’ an siam dawn a, mipui zawng zawng lo tel turin an sawm a ni.