Vawiin khan 17^th Higher Secondary School Games, 2018 chu Aizawl-ah tan a ni a, School Education Department buatsaih a ni. Tun tumah hian inelna hrang hrang chi sarih (7)-ah intihsiakna huaihawt a ni a, Mizoram chhunga Higher Secondary School 25 atangin zirlai 1200 chuang an tel a ni. 17^th Higher Secondary School Games, 2018 hi hmun hrang hrang-ah School Education Department officer ten an hawng a, chungte chu MTTA Hall, Mission Veng, Electric Veng YMA Hall, Rajiv Gandhi Stadium,Mualpui, Bethlehem YMA Hall, ITI GSA Volleyball Court, Electric Veng Multipurpose Hall-ah te an ni. Zirtawpni (December Ni 7) hian kharna hun Ramhlun Indoor Stadium-ah neih a ni dawn a, Pu K. Lalthawmmawia, IAS chu khuallian a ni ang.