Vawiin chawhma dar 10:00Am khan DRDA Conference Hall-ah nithum awh tur 19th Mizoram Open Chess Tournament-2017 chu khel tan a ni.  He Mizoram Open Chess Tournament hi Pu N.Zakhai, CEM, MADC chuan khuallian niin a hawng.

Khuallian Pu N.Zakhai chuan thu sawiin, MCA (Mizoram Chess Association) ten Mizoram Open Chess Tournament Vawi-19na Siaha-a an lo nghat chu lawmawm a tih thu  a sawi a. Chess hi mi thluak tha leh thluak hrisel te inelna ropui tak, khawvel pawhin a a ngaisan em em a ni a. Antoly Karpov leh Garry Kasparov te Epic Battle pawh Chess tui lo mi tan pawh a hriatreng  tling thluak hmanga inbeihna ropui a nihzia kan hriat theuh kha. He Tournament avang hian Siaha District mi tam takin Chess an tui phah ngei a rinthu sawiin,  kan Siaha khaw mi ngei Pu.Lalzawmliana pawh Mizoram aiawhin tunah hian National Challenger Gujarat-ah a khel mek a ni, a ti.

Mizoram Chess Association buatsaih 19th  Mizoram Open Chess Tournament, 2017 hawnna inkhawm hi Pu  H.C. Lalthansanga, President Siaha District Chess Association chuan  kaihruai in, Pu T.T. Siama, Secretary SDCA chuan Report tlangpui peiin, he Mizoram Open Chess Tournament hi Sawrkar Official mi pawimawh te pawhin min tuipui em em a, CEM,DC,PD leh BDO te bakah Siaha District Sports Committee atang te in tanpuina tangkafai kan dawng hnem hle a ni, a ti. He tournament-ah hian Mizoram hmun hrang hrang atanga Chess tui mi 100 dawn an fuan khawm a ni.