Vawiin chawhma dar 11:00Am khan District Child Protection Unit, Siaha  chuan Youth Volunteer for Child Protection tetan , “SENSITIZATION MEETING OF YOUTH VOLUNTEER FOR CHILD PROTECTION” a buatsaih. He Sensitization meeting hi Pu. Teddie T.Lalnunrema, Social Worker  in a kaihruai a, Pu N.Vabeiratlua, I&PRO, Siaha District chuan  khuallian niin, he hun hi a hmanpui.

Khuallian Pu N.Vabeiratlua chuan thu sawiin, tunlai kan khawvela naupang chunga kawng hrang hranga hleihlenna a nasa hle mai a, chutiang hleihlenna chi dang dang laka kan naupang te venhimna kawnga thil pawimawh tak, Sensitisation Programme  Nu leh Pa, leh Thalai Volunteer- te  tan a hran theuh va DCPU Office,Siaha-in a buatsaih chu lawmawm a tih thu sawiin, kan naupang te venhimna kawnga rahbi pawimawh leh chhinchhiah tlak tak a ni, a ti bawk.

Vawiin programme hmanna-ah hian Dr. David Zaitinvawra, DCPO chuan kalkhawmte hnenah meeting buatsaih chhan sawifiahna hun hmangin, Pi Lalhmachhuani Sailo, PO (IC) in “ICPS & Child Rights” chungchang zirtirna a nei bawk. He hunah hian Orphanage Boys’ Home Siaha Naupangten Group Singing an nei bawk a ni.

He Sensitization Meeting hi 21st - 23rd August, 2017 chhunga PA, NU leh THALAI (FATHER, MOTHER & YOUTH VOLUNTEER) tan a hran theuh va buatsaih a ni a. A nikhatna (21/8/2017)-ah PA (Father) Volunteer te tan buatsaih a ni a, Pu VB Byhna EM (RD), MADC chu khuallian niin a hmanpuia, a ni hnihna (22/8/2017)-ah NU (Mother) Volunteer te tan buatsaih leh a ni a, Pu V.Zacho, Executive Secretary, MADC chuan khuallian niin a lo hmanpui tawh bawk a ni.

Vawiin programme hman zawh hian Youth Volunteer te tan Site Visit Observation Home, Siaha a mi chu a hmunah an tlawhpui nghal bawk a ni.