Nimin chawhnu dar 4:00PM khan DRDA Conference Hall,Siaha a nithum  awh  19th Mizoram Open Chess Tournament-2017 chu zawh fel niin, Closing function hman a ni.

He Mizoram Open Chess Tournament closing function hi Pu Beirahmô Syhly,EM(Sports) MADC chuan khuallian niin a hmanpuia, lawmman semna hun a hmang nghal bawk. 

Khuallian Pu Beirahmô chuan thu sawiin, Mizoram Open Chess Tournament Vawi-19na Siaha khawpuiin a kan thleng thei hi MCA( Mizoram Chess Association) hruaitute leh kan SDCA (Siaha District Chess Assoiciation) hruaitute thawhhona that vang a ni a. Mizoram Open Chess  Tournament buatsaih tawh chinah participant tam ber tum leh mipuiin an hlut ber tum nia MCA President Dr.Lalhmuchhuaka hnen atanga report a dawn te chuan a tihlim hle a ni, a ti a. Chess hi mi thluak tha leh thluak hrisel te inelna leh infiamna ropui tak, khawvel pawhin a a ngaisan em em a ni a. kan thalai tam tak te hian tuipui se, zu leh ruihtheih thil  buaipui thalai hi kan tlem phah sawt ngei a a rinthu a sawi bawk.

Nimina 19th  Mizoram Open Chess Tournament, 2017 closing function hi F. Lalchhanhima'n a kaihruai a, Khuallian bakah Dr. Lalhmuchhuaka, President MCA leh N. Vabeiratlua, Secretary, Siaha District Sports Committee ten thu sawina hun an hmang bawk.

19th Mizoram Chess Tournament-ah hian Participant 91 an awm a, MCA  ranker 26 leh unranker 65 ten an in el a ni.

Lawmman 1-na atanga 3-na dawngtute chu:

1st---Robert Runremmawia,Lunglei

2nd----Lalawmpuia, Aizawl

3rd----Stephen Malsawmtluanga, Aizawl te an ni.

1st Prize dawngtu hian Champion Trophy bakah tangkafai Rs.15,000/-leh Certificate a dawng a. 2nd Prize dawngtu hian Rs.10,000/- leh Certificate, 3rd prize dawngtu hian Rs.6000 leh Certificate a dawng bawk.

Lawmman hi  20-na thleng siamsak an ni a, tangkafai leh certificate pek vek an ni.

 

 

Attachment

  • Loading attachment...