Vawiin khan Tuirial bialtu MLA Pu Hmingdailova Khiangte, Parliamentary Secretary chuan Kawnpui Badminton Club buatsaih, Tuirial bial MLA Cup Badminton Tournament, 2017 chu Kawnpui Town Hall-ah a kharna a hmanpui. 

He hunah hian Pu Hmingdailova Khiangte chuan Badminton-ah  India chu khawvel hriat a nih ve tawh thu sawiin; Mizoram aiawh thei tura tan la zel turin Badminton kheltu te a fuih bakah, a buatsaihtute pawhin huap zau zawka kalpui zel nithei se a duh tih a sawi bawk. 

Tunkar Thawhlehni atanga neih tan, he MLA Cup Badminton Tournament-ah hian Tuirial Constituency huam chhunga Kawnpui Badminton Club; 1st IR Badminton Club; Thingdawl Badminton Club leh Zanlawn atang tein players 74 an chhuak thei a; Category hrang hranga thenin, Match 50 khelh a ni. 

MLA hian Tournament-a a titha te hnenah lawmman a sem nghal a; Pu HL Thangzuala MPS, CO 1st IR Bn. leh Pu K Lalhmachhuana, Chairman, Kawnpui Sub-Division VC Assn. ten an tawiawm bawk.

Attachment

  • Loading attachment...