Nimin khan Mizoram Chhim lam bialtu 1st Assam Rifles, Lunglei te chuan Siaha District chhunga khaw pahnih Siata leh Chhaolo khua-ah  Solar Lantern an sem. 

Nimin a Solar Lantern sem tura lo kal Chhimbial enkawltu Col. BB. Pun, YSM,SM, Commandant 1st Assam Rifles, Lunglei chuan khaw mipuite hma a thu sawiin, Assam Rifles chu “Friends of the Hill People” kan nih angin tlang mite tan thian rinawm tak nih reng kan tum a ni  tiin, Power Supply that lohna khua a awmte in nih tih ka hriatin he Solar Lantern hi in tan atangkai hle dawna hriatna ka neih a, a bik takin zirlai naupang te tan atangkai hle dawn a ni, a ti. Siata leh Chhaolo khua atanga Sipai tang duh in awm chuan December thla-ah hian Sipai lakna runpui a awm leh dawn a.  Chu mi atana inbuatsaih dan tur leh in tana thiltul dang te buaipui hian Pi Harleen Kaur IAS, in DC viak tha tak nen kan thawk dun dawn a, kan theina zawnah in tan tanpuitu nih hi kan in huam reng dawn a ni, a ti bawk. 

Pi Harleen Kaur IAS, District Bawrhsap pawhin thusawiin,  1st Assam Rifles te hian ram leh mipui te venhim chauh hi buaipui lovin, an duty-na hmun apianga mipuite tan an  phak tawk ang te te in mipui leh khawtlang tan an luangchhuak reng thin a ni. Vawiinah pawh Siaha District-a khaw pahnih Siata leh Chhaolo khua ten an thil mamawh em em Solar Lantern chu chhungkaw tin te hnen mai bakah School, PHC leh Anganwadi-ah te an sem a. Hei hi a tawpna a la ni mai lo va, kan hmalam hunah pawh 1st Assam Rifles te hian khawtlang leh ram hmasawn nan an phak tawk ang zelin Siaha District-ah hian hna an la thawh zel ka beisei a ni, a ti. 

Nimin Solar Lantern (Solar khawnvar) sem tur hian 1st Assam Rifles, Lunglei  atangin  Col.BB.Pun,YSM,SM, Commandant;  Col.S.Rathore, Designated Commandant leh Capt. Sahid Yunus an lo kal a. Siaha District atangin Bawrhsap Smt. Harleen Kaur IAS, Pu N. Vabeiratlua, I&PRO leh Pi Galilee IWMP Technical Expert, DRDA  ten  Solar Lartern semna hun hi an hmanpui a ni.