3811/2022-2023
Pu Laima Chozah, State Election Commissioner, Mizoram chuan 1st General Election to Lunglei Municipal Council hun chhunga Sawrkar Hnathawkte zawm tur Notification dated 2nd March, 2023 a ti chhuak a ni:
NOTIFICATION
State Election Commission, Mizoram chuan 1st General Election to Lunglei Municipal Council, 2023 atan political party-te, candidate-te leh public office chelh tute tan Model Code of Conduct zawm tur a ti a.
Commission chuan Model Code of Conduct zawm tur kenkawh hun chhung- inthlan puan ni (02.03.2023) atanga result puan a nih thleng hian, Lunglei Municipality chhunga Sawrkar hnathawkte zawm tur Code of Conduct neih a tul in a hria a.
Article 243ZA of the Constitution of India read with Section 350 of the Mizoram Municipalities Act, 2007, as amended, read with Rule 31 and Rule 50 of the Mizoram Municipalities (Election of Councillors) Rules, 2007, in thuneihna a pek angin State Election Commissioner chuan a hnuaia thupek a chhuah a. Sawrkar hnathawk-State, Autonomous District Council, Central, State Public Sector Enterprise emaw Central sawrkar, Lunglei Municipal area chhunga sawrkar atanga sum leh paia tanpuina dawng Statutory Body te chu hemi Code of Conduct hnuaiah hian an awm vek dawn a, Sawrkar hnathawkte’n a hnuaia mi ang hi an zawm tur a ni:-
(1) Sawrkar hnathawk chuan he inthlan hun chhung hian tan bik a nei tur a ni lo a, Candidate emaw political party tan zawngin emaw tan lo zawngin Campaign-naah a inhnamhnawih tur a ni lo.
(2) Sawrkar hnathawk chuan sum in emaw engti kawng pawhin candidate te a tanpui tur a ni lo.
(3) Sawrkar hnathawk chuan election kaihhnawih meeting a huaihawt tur a ni lo a, meeting ah chanvo neih emaw thusawi a rem lo ang.
(4) Sawrkar hnathawk tumahin Election kaihhnawihah Minister emaw political functionary dang emaw a zui tur a ni lo.
(5) Dan leh thupek kengkawhtu emaw, venhimna lam a duty atana ruat te emaw an nih loh chuan Sawrkar hnathawk tin te tumah political meeting-ah an kal tur a ni lo.
(6) Dan leh thupek kengkawh tur a ruat Police-te chu candidate in meeting a koh a tel anga ngaih tur an ni lo.
(7) Nitin official transaction-a political party hrang hrang nena indawrna neih laiin Sawrkar hnathawk tinte chuan absolute neutrality (tan zawng neih loh) an vawng reng tur a ni. Political group hrang hrang emaw candidate emaw anmahni thlawp tu ten complaint an thehluh chuan Police te chuan tan lam neilo in hma an la nghal vat tur a ni.
(8) Sawrkar hnathawk tu pawhin Code of Conduct a bawhchhiat chuan Central Civil Services (Classification, Control and Appeal) Rules, 1965-a thupek angin inthununna/disciplinary proceeding a hmachhawn ang.
