2318/2026-2027 

Kolasib, 23rd September, 2026: Vawiin khan 1st IR Battalion Kohhran, Mualvum in din a nih atanga kum 30 a tlinna puala an buatsaih ‘Pearl Jubilee Souvenir’ chu Pu M.S. Dawngkima, MPS, Commandant, 1st IR Bn chuan 1st IR Bn Kohhran Hall-ah a tlangzarh.

Souvenir tlangzarhtu Commandant Pu M.S. Dawngkima chuan thu sawiin, 1st IR Bn Kohhran chuan police-te nunah awmze thuk tak a neih thu a tarlang a. “1st IR Bn Kohhran kaltlangin Police mi leh sa ten thlarau nun lamah nasa takin hma an sawn phah a, chu chuan inkaihhruaina (discipline) lamah a tha zawngin hmasawnna a thlen nasa hle a ni,” a ti.

Vawiina tlangzarh tak Souvenir-ah hian 1st IR Bn Kohhran Biak In din a lo nih dan chanchin te, thlalak hlui pawimawh thenkhatte leh rawngbawltu lo ni tawh thin leh ni mekte thuziak tha tak takte chhawpchhuah a ni a. He Pearl Jubilee Souvenir hi lei duh tan Phone No. 7005431031 ah hian order theih reng a ni.