2317/2026-2027

Champhai dated the 23rd September, 2026 : Champhai District Sports Committee chuan vawiin khan New Champhai-a Sports Complex hnathawh kal mek chu a hmunah kalin an enfiah a, hmalak zel dan tur an sawi ho. 

Multi-Sports Complex sak mek hi PMJVK sum cheng 10.474 crore hmanga kum 2 chhunga sak zawh tum a ni a. Kumin march aṭanga hna hi thawh ṭan niin kum 2028 March thla a zawh fel tura ruahmnanna siam a ni a. Field phul lem phah tur zau zawng hi a dung  meter 110 leh a vang 76 meter niin,  football field hi 105 x 70 meter-a zau a ni thung a.  Field hi thirlen a hung vek tur niin, luhna kawngkapui pahnih hawn a ni dawn a ni. 

Field chhungah hian pavilion pakhat, mi 180 bawr leng thei tur leh pavilion sirah gallery mipui 100 ve ve leng tura duan chu sak mek a ni a. Mipa leh hmeichhia hman tur zun in leh rualbanlote hman tur bik siam tum a ni a. Underground water tank liter nuai 1 siam tum a ni bawk. Football ground bakah a sir field awlah sports discipline hrang hrang dah tel thei tura duan a ni. 

Kum 2007 aṭang khan Multi Sports Complex hi nei theih tura hma lak ṭan niin mimal ram hrang hrang leikhawma sak a ni a. Lushai Construction te kutah Multi Sports Complex sak hna hi dah a ni.

He phullem phah leh tur hna kal mek enfiahna ah hian Champhai District Football Committee, Champhai District Football Association, Champhai South VC Association,  District MJA hruaitute leh DIPRO aiawh te bakah hnathawktu Lushai Engineers puipate an tel bawk