Vawiin chawhma dar 11:00 khan DRDA Conference hall ah District Level Lab-to-Land, Lunglei leh SIRD Mizoram buatsaih in Pu V.Sapchhunga, IAS, DC, Lunglei kaihhruaina in District leh Block level Lab-to-Land Initiative meeting vawikhatna neih a ni.

Pu V.Sapchhunga, IAS, DC Lunglei chuan thuhma sawiin, District leh Block level Lab-to-Land Initiative hi thil thar a ni a, sawrkar in Core Group District leh Block a siam a, a tihhlawhtlin na leh hlawhchham na chu mipuite kut ah a innghat a ni a ti. VC te hi sawrkar kut leh ke an ni a ti a, Development Programme hrang hrang te fel tak a mipui leh VC ten ruahmanna an siam in hmasawnna rahbi a lang dawn a ni a ti.

Pu C.Lalramnghaka, Director, SIRD in Lab-to-Land Initiative hi Ministry of Rural Development Department . in chak taka thingtlang hmasawnna turin India ram pumpui ah kum 2010 ah a din a ni. State, District leh Block level a Core Group din tura tih a ni bawk. Thingtlang hmasawnna Programme hrang hrang a dik tak a kalpui anih theih nan Development sum te hi a thlen na tur hmun a thlen a, Development programme te hi VC leh mipuiten enge a nih tih hi an hriat a tul a ni. Ministry of Rural Development in Lab-to-Land Initiative hmalakna hnuai ah mi tlawmngai inpe Bharat Nirman Volunteers sawrkar thawhpui zawngin pawl din tur a tih a ni a, BNVS te hi India ram thingtlang lama hmasawnna thlentu tur te an ni a, thingtlang tihhmasawn nan a tana a mipuite zirtir a, sawrkar Programme hrang hrang ten thingtlang kilkhawr ber pawh a kim zawk in a thleng dawn a ni. Langtlang leh rintlak zawk a kalpui a nih phah dawn a ni.VC leh mipui tan an mawhphurhna an hriatloh leh an tih tur ngei pawh tih nachang hre lote zirtirna pek leh finchhuah tu tur an nih avangin sawrkar leh mipui tam mit leh beng an ni ang. kan sawrkar in a ngaih ven chuan tualchhung inrelbawlna leh hmasawnna chak takin a kal ang. Ministry of Rural Development chuan thingtlang hmasawnna turin kumtin cheng vaibelchhe sing 8 chuang a theh chhuak thin a, Mizoram ah chuan he hmalakna hi Kawnpui Block ah kalpui mek a ni.

Mizoram DistrictLevel Core Group ah DC chu chairman niin Project Director (DRDA) te chu Member Secretary tura ruat anni a, Block Level Core group DC Chairman niin BDO,RD Department te Member Secretary an ni bawk.

Attachment

  • Loading attachment...