1590/2025-2026

Dated:Mamit the 25th of September, 2025 : Vawiin khan DC Conference Hall, Mamit-ah kan hma lawka 2-Dampa bial By- Election kan hmachhawn tura Election Expenditure Monitoring Team hrang hrangte inthlan inbuatsaihna atana tul hrang hrangah training Pu Lalnunfela Chawngthu, Election Officer, Mamit hovin neih a ni.

Election officer chuan 2-Dampa bial By- Election hmachhawn tura mawhphurhna hrang hrang neite kan tawnhriat a in an loh avangin thiam tawh leh hre bel tawh bik a awm theih lova,tha taka training kan neih chu a tul a ni a ti. 2-Dampa bial Final Electoral chu peihfel thawkhat a ni tawh a, karleh thawhlehni 30th Sept, 2025 ah tarchhuah tum niin, hemi zawh lamah hian By-Election neih hun tur pawh thuneitute'n an puan chhuah mai beisei a ni a,inthlanna kalpuina tura inbuatsaihnate tha taka kalpui chhoh mek zel a nih thu a sawi bawk.

Vawiin training-ah hian Pu Malsawmzuala, Project Director & Nodal Officer, Election Expenditure Monitoring chuan a lem nen zirtirna pein, inthlanna thianghlim, felfai leh langtlang neihna tura Expenditure Monitoring Team hrang hrangte mawhphurhna hrang hrangte a tarlang a ni.

Pi Jenny Thanhlupuii, Treasury Officer & Asst. Expenditure Observer pawhin By- Election hmachhawn tura inbuatsaihna hrang hranga mawhphurhna tha taka hlen theih dan turah zirtirna a pe bawk.

Election Expenditure Monitoring Committee hnuaiah hian Flying squad, Static Surveillance Team, Video Surveillance Team, Video Viewing Team, Accounting Team leh Asst. Expenditure Observer awmin vawiin hian team hrang hrang-a mawhphurhna neite hi an kalkim a ni.