Sawrkar Laipuia DoNER Minister Pu Pawan Singh Ghatowar chuan 2012 Olympic Games-a Boxing-a Bronze medal latu Pi MC Mary Kom hnenah lawmman sumfai cheng nuai 40 leh he Games a tel, Hmarchhak infiam mite zawng zawng hnenah lawmman sumfai cheng nuai 5 theuh pek a nih tur thu a puang.

Pu Pawan Singh Ghatowar hian September ni 15 – 17 inkarah hian Manipur a tlawh dawn a. Manipur a cham chung hian DoNER Minister hian heng lawmman te hi infiam mite a hlan ang. Lawmman inhlanna programme ah hian Minister hi NEC Secretary Pu U K Sangma IAS, NEC hotu dangte leh DoNER Ministry aiawh ten an tawiawm ang a. Minister leh amah tawiawmtute hian Manipur ah NEC leh DoNER in project an kalpui mek te an tlawh bakah Minister hian Manipur Olympic Association in seminar ‘Poli cies & Problems of Sports in the North East’ tih thupui hmanga an buatsaih tur chu a hmanpui nghal bawk ang.