September Ni 10 , 2017 khan 23 Sector Assam Rifles chuan an dinchampha 57-na “Raising Day” lawmna  Khatla Headquarter-ah an nei a ni. 

23 Sector Assam Rifles DIG, Brigadier MS Mokha , Sena Medal chuan he hunah hian thusawiin Assam Rifles mi leh sa-te duhsakna a hlan a. Mizoram tana Assam Rifles-te hnathawh chu lawmawm a tih thu sawiin hei hian inlaichinna leh inthianthatna tha tak a hrin chhuah zel a beisei thu a sawi a. An thupui “Friends of the Hill People” (Tlang mite thian) vawn nun kawnga an hnathawhna chu chawikang zel turin a chah bawk a ni.

He hunah hian Brigadier MS Mokha chuan kum kalta chhunga hnathawh that vanga chawimawina ‘Champion Battalion Banner’ chu 10 Assam Rifles Commandant ,Colonel Brijendra Singh hnenah a hlan a. Commandant Murti Singh (Administration) leh Assistant Commandant Veerpal Singh te’n Battalion HQ 46 Assam Rifles state war memorial-ah zahna pangpar, ram leh hnam tana nunna hlan tute tan an dah a ni.

23 Sector Assam Rifle hi September Ni 10, 1960 khan Silchar-ah din niin DIG hmasa ber chu Col JD Nadirshaw , Veer Chakra, Shaurya Chakra a ni a. Hmarchhak state hrang hrang ah hmunpui neiin Mizoramah chuan September Ni 1, 1971 khan ram chhunga muanna a awm theihna atana thawk turin an lo awm nghet ta a. Assam Rifles chuan Indo- Myanmar border veng him tur leh tual chhung mipuite te’n hlawhtlinna bakah remna leh muanna ngelnghet an neih zel na turin an thawk  a ni.