Vawiin chawhma khan SP Conference Hall, Lunglei ah 28th Road Safety Week ni 9th - 15th January 2017 chhung a neih tur chu Pu Zosangliana MPS, Superentendent Of Police, Lunglei in a hawng.

Road Safety Week hawnna inkhawm hi Pu J Lalmuankima MPS, Addl. SP, Lunglei in kaihruaiin Pu Zosangliana, SP, Lunglei chuan thu sawiin 28th Road Safety Week hi MInistry of Road and Transport buatsaih in rampum huap a, a ruala hman tur a tih a nih angin vawiin a he hun hmanna ah Motor neitu leh chanchinbu mite a rawn tel theih avangin lawmthu a sawi a. Ke a kalte lirthei khaltu ten an ngaih pawimawh zia ti langtu chu Road Safety hi a ni a, a hlawhtling in a thlamuan thlak hle a ni a ti. Kum 2016 Krismas leh Kumthar inkarah Traffic Police, VDP leh YMA te thawhhona that avangin accident a awm lova. Kum 2016 chhungin Lunglei District ah Motor accident vawi 8 thlengin mi 7 in nunna an chan a ni. Kumin ah hetiag hi thleng lo se a duh thu a sawi.

Road Safety leh Traffic rules chungchang a awareness campaign hmun hrang hrang ah neih thin a ni a, hemi avang hian accident a tlem phah hle a ni a ti. Lunglei ah hian tunah traffice police 30 vel an awm a, nikum chhungin lirthei dan bawhchhia two wheeller 1001, three wheeller 865 leh four wheeller 1035 avaiin 2901 man an ni a, heng dan bawhchhia te hnen atang hian Rs.853800/- hmuh a ni. Hunpui laiin highway patrolling hmun hrang hrang ah neih a ni a, he hian lirthei chetsualna lakah a him phah a ni. Zu rui chung leh physical fitness lo a motor khalh an awm leh awm loh te check thin a ni a, dan bawhchhia te chu ngaihnat thiamna awm lo a hrem an ni. Kan Motor, nunna, bungrua te hi a him theih nan Dan kan zawm a, traffic police te thu awih a, tawiawm theuh turin a chah a ni.

HPC Vice Chairman Pu S laldingliana'n traffic police te hman atan hmanrua chi hrang hrang a pek avang leh a tul huna a tanpui thin avangin PU Zosanglian SP chuan a chungah lawmthu a sawi a ni. Mimal, Dawrkai leh Pawl hrang hrang ten Traffuic Police te kut leh ke tih chak nan phal taka tanpuina an pek thin avangin lawmthu a sawi bawk.

K Vanlalsanga SI, OC Traffic in Traffic awareness chungchanga motor khaltu leh a neitu ten dan an zawm tur chung chnag a sawi a, Pu B Laldingheta, SDPO in lawmthu a sawi. Inkhawm zawh atang hian safety week leh No Tolerance Week (9th-15th Jan 2017) hmang chho in lirthei chetsualna laka himna atan a hmalak a ni ang a. No Tolerance chhung hian lirthei khalhtu licence neilo leh document felfailo te chu ngaihnat thiamna awmlo in dan ang a hrem an ni ang.