Vawiin chawhnu khan Lunglei DC Pi Lalzarmawii, IAS chuan Lunglei khawpui chu Open Defecation Free (ODF) ah a puang.

Lunglei khawpui chhunga school naupang, zirtirtu, tlawmngaipawl leh Village Council ten Self Declaration an neih hnuin, December ni 13, 2016 khan Preliminary Declaration-in Lunglei khawpui chu Open Defecation Free (ODF) ah puan a ni a. Ni 15 chhung mipui ngaihdan lakna hun hawn a nih hnuin, vawiin khan pawna inthiar awm lohna khawpui ah puan (Final Declaration) a ni. Final Declaration neih a nih hnu hian Quality Council of India (QCI)-te chu third party monitoring nei tura beisei an ni a, sawrkar laipuiin a pawm hunah official-a Open Defecation Free-ah puan a ni dawn a ni.

Lunglei khawpui bakah hian Lunglei District chhunga Census Town pahnih – Hnahthial leh Tlabung ah te Open Defecation Free-a puang turin ruahmanna kalpui mek a ni.