State Level Committee in kuthnathawktute ni District tina hman tur a a rel bawhzuiin vawiin khan Kolasib DC Conference Hall-ah District Bawrhsap Pu H.Lalengmawia hovin official te leh NGO ten he ni hmandan tur an rel.

Kolasib District-ah hian hmun 6 - Kolasib, Bilkhawthlir, Vairengte, Kawnpui, Bairabi leh Bukpui -a hman turin ruahmanna State Level Committee hian a siam a. Kumin hian 14th January a hmang lovin, 19th January-a hman tura ruahman a ni. Vawiin meeting-ah hian District Headquarter, Kolasib a hmandan tur kimchang Bawrhsap ho hian rel a ni.

Kuthnathawktute Ni hi Parish Hall-ah chawhma dar 11 ah hman tura rel niin, official te mawhphurhna hrang hrang pek an ni a. NLUP beneficiary leh kuthnathawktu hlawhtling mi pali hnen atang thusawi ngaihthlak ni se ti a rel a ni a, thusawi tur hi Line Department ten lo thlang se tih a ni.

Kumin Kuthnathawktute Ni atan hian thupui "Hah tak leh rim taka thawk chungin kan ei zawk a ni" II Thessalonika 3:8 thlan a ni a, thupui sawi tu tur pawh ruat a ni.