Vawiin chawhma khan SIRD&PR Auditorium, Durtlang Leitan ah nileng awh “State Level Workshop on Cashless Transaction” chu neih a ni a. He Training hi Secretariat, R.D Department leh SIRD&PR, Mizoram tangkawpin an department chhunga thawkte tan a buatsaih a ni.

He training hi Pi Maria C.T Zuali, Director, SIRD&PR (Mizoram) chuan a hawng a. Course Director Pu Khawlsiamthanga Khawlhring, Deputy Director, SIRD&PR leh Pu Hlimpuia, Manager, SBI Bawngkawn Branch, Pu R. Dengchhunga, Technical Officer, NIELIT leh Pu Samuel Rodailova, Associate, SBI Bawngkawn ten zirtirna an pe a.

Workshop-ah hian tunlaia India ramah Sorkar laipuiin a ngaihpawimawh tak em em, Cashless Transaction pawimawhzia leh hmalak dan tur te sawiho a ni a. A kaihhnawih thil hrang hrang, heng - Unified Payment Interface (UPI), Aadhar Enabled Payment System (AEPS), Unstructured Supplementary Services Data (USSD), Mobile Wallets, QR Code, Digital Payments Facilities under SBI, Point of Sale (POS) leh Mobile Based Point of Sale (M-POS)-te zirhona leh sawihona neih nghal a ni.

He Workshop-ah hian District tina DRDA Project Director-te, R.D Block tina BDO-te, DRDA a APO-te, Mizoram SLRM a CEO- te leh SIRD&PR Faculty-te kalkhawmin an vaiin mi 55 an ni.