Vawiin khan Thana Kawt, Venglai, Lunglei ah 28th Road Safety Week hawnna inkhawm neih a ni.

Pi Saizikpuii, DTO, Lunglei in inkhawm kaihruaiin Pu C. Lalruaia, MPS Superentendent of Police, Lunglei in thusawiin lirthei accident avangin kumtin mi nuai khat India ramah an thi thin, chumi ai tam chu ramtui leilo in an awm thin a ni. Lunglei ah lirthei a pung zel a, kawng a pung chuang silo a, lirthei khalhtute kan fimkhur a ngai tulh tulh a ni. Ruitheih thil leh Driving hi a inkawp thei lo hrim hrim a, chuvangin ruihhhlo in i taksa a fan tawh chuan motor steering i khawih tawh tur a ni lo a ti. Pu Zairemthanga Sailo, President Zoram Driver Union , sub Hqrs.Lunglei pawh in thusawiin Mizoram a motor accident za a sawmriat thlenna hi driver te fimkhur loh vang a ni a, fimkhurna avangin accident tam tak kan pumpelh thei a ni tih kan hriat a tul hle a ni a ti. Lirthei hi a khawl tih nun a, steering vawn a herh kual ringawt hi motor khal thiamna a ni lo tih kan hriat a tha hle a ni, lirthei chetsualna lak a kan him theih nan kan motor leh a khaltu fitness te, traffic dan zawm te, side lak te, signal pek leh document leh license felfai a neih te hi a pawimawh hle a ni ati.

He week chhung hian Auto Rickshaw khaltu zingah Transport License neilo an tam avangin uluk takin check a ni thin dawn a, Sorkar in Auto Rickshaw kawngkhar dinglam fix tur a tih zawm lo an tam a hei pawh hi khauh takin an endik dawn ti Pi Saizikpuii, DTO chuan a sawi.

Pu K.Lalrohlua, Deputy Commissioner, Lunglei in Ribbon Chepchat in 28th Road Safety Week 2017 chu lawm takin a hawng a ni.