2751/2024-2025

Dated Hnahthial, the 29th October, 2024: Vawiin tlai dar 2:00 khan DC Meeting Hall, Hnahthial-ah Hnahthial District South Tuipui Assembly Constituency huam chhunga Draft Electoral Roll chu District Election Officer leh District Bawrhsap ni bawk, Pi Rita Lalnunmawii Pachuau chuan a tlangzarh a. Draft Electoral Roll tlangzarh takah hian vote nei thei mi 16,361 awmin an zingah hian service voter pawh an tel a ni.

Draft Roll tlangzarhtu DEO, Pi Rita Lalnunmawii Pachuau chuan Electoral Roll hi ram hnuk khawih thil pawimawh tak anih avangin fimkhur taka buaipui a tul thu a sawi a. Hnahthial district phei chu ram dang mite nena inchenpawlh kan ni tih hre rengin electoral roll a kan thun luh tur pawh kan uluk a tul thu a sawi a. Electoral roll-a mi thunluh an nih tawh chuan paih leh mai mai theih a nih tawh loh avangin Election lama thawktute leh party aiawhte chu fimkhur taka final roll buatsaih thin turin a chah a ni.

He hunah hian Electoral Registration Officer, Pu Zothanmawia Khiangte, Addl. DC pawhin thu sawiin Election Officer, Pi Esther Leihang, SDO Sadar ni bawk hnen atangin draft roll an buaipui dan tlangpui sawifiahna ngaihthlak nghal bawk a ni.

29- South Tuipui Assembly Constituency electoral roll revision neih zawh taka voters dinhmun tlangpui chu a hnuaia tarlan ang hi a ni:

1. Mipa vote nei zat : 8041
2. Hmeichhia vote nei zat : 8235
3. Vote nei zawng zawng awm zat : 16276
4. Service Voters awm zat: 85
5. Service Voters chhiar telin vote nei awm zat : 16361
6. Polling station vote nei hnem ber : 29/9 Hnahthial-IV - 1205 voters
7. Polling station vote nei tlem ber : 29/23 New Kawnpui - 56 voters
8. 16.03.2024 a electoral roll a vote nei awm zat : 16223
9. Revision neih hnua vote punna zat percentage : 0.33%

CamScanner 10-29-2024 14.23.50.pdf